التّاج السُلطاني

سَلامٌ أبيض عليكم وَ رحمة الله وَ بركاته

مَساء بِجَمال الياسمينِ و عّبَقِه .,

يبدو أنه وَقَع علي اختيارُ صديقتي نبْراس

 لأكون صاحبة التّاج السُلطاني =)

لأفتح لكمْ باباً يودي بكم إلى خلجاتي و دَواخلي .. ^^

أولاً : قوانين التّاج السُلطاني ..

1. اذكر اسم من طلب مِنْكَ حلّ الواجِب :

- صَديقتي نبراس

2. اذكر القوانين المتعلقة بهذا الواجب :

- تحّدث عن ستّة أسرارٍ قد لا يكتشفها من يُقابلكَ للمرة الأولى .

- حوّل هذا الواجب إلى ستة مدوّنين و اذكر أسماءهم مع روابط مدوّناتهم في موضوعك .

- اترك تعليقاً في مدوّنة من حوّلت الواجِب عليهم ، ليعلموا عن هذا الواجِب .

:

أسراري : 

- السّرُ الأول : أنا جداً جداً جداً مو هادية مادري ليش الناس ياخذون عني انطباع أوّل إني هادية ؟ .. صح أقدر أكون هادية متى ما اخترت هالشي أو حسيت إني مو بمكاني بس طبيعتي حركية حيل و أحب أسولف و أضحك و عبيييييطة حدّددي ! بشكل الناس ما يتخيلونه لما يشوفوني للمرة الأولى .

 - السَرُ الثاني : أحب أعبّر عن مَشاعري .. إذا حبيت إنسان أحبه من كل قلبي و بشكل صااااادق جداً و أحب إني أصارحه بهالشي ، حدّددددددي حنوووونة و حدددي رومانسة و عاطفية و حسّاسة حييييل ، احم على طاري الرومانسية .. وجدان تقول إني إنسانة تتكلم فيني عيوني أكثر من شفايفي ! و سرسور دايماً تقول إنه عيوني تفضحني ! ، امممم أتأثر بسرعة و دمعتي على خدي ما أقدر أتمالكها مشاعري تتحكم فيني بشكل مو طبيعي ممكن إني أنكسر بسهولة ، بس ما أزعل .. نادراً نادراً نادراً أزعل .. الغالب أتضايق و أعالج جروحي بنفسي و أرجع مثل ما كنت طبيعية جدا ، و حتى اذا زعلت ممكن إني أرضى بسهووووولة .

- السّرُ الثالث : أعشششششق القراءة .. أحبها حيل ، أحب أقرأ الروايات الـ امممم "فلسفية" !؟ مادري أتوقع هذي الصفة المناسبة .. كتابي المفضل "الخيميائي" للكاتب : باولو كويلو ، و أحب كتاب "حاج كومبوستيلا" لنفس الكاتب ، أحب الشّعر حيييييل النبطي أحبه بس اللي أحبه أكثر هو شعر الفصحى خصوصا التاريخي للشعراء أمثال : الخنساء - حسّان بن ثابت - امرؤ القيس - الحطيئة - المتنبي - ابن زيدون ... الخ ، و وايد غيرهم بس شاعري المفضّل : أبو فراس الحمداني ، أحب أقرأ كتب علم النفس ، و أحب أقرأ الكتب العلمية .. أذكر مرة قريت كتاب عن علم الاحياء عجبني حييييييييل بس للأسف ضيّعته و ما اذكر اسمه =( ، مع هذا ما أحب أقرا الجريدة أكرهها جدا جدا جدا >< .

- السّرُ الرابع : أحب الأطفال بشكل مو طبيعي ! أعشقهم أعشقهم أعشقهم :قلب: أحب ألعب معاهم .. و لمّا ألعب معاهم أحس إني وحدة منهم و عادي جدا إني أنسى نفسي و أتهاوش معاهم على لعبة :سيكو: ، طول عمري حلمي يكون عندي بنت أعطيها حناااان كثر الدنيا و ألعب معاها للأبد و تصير صديقتي أكثر من بنتي .. أقولها أسراري و تقولي أسرارها ، أحب البنات أكثر من الصبيان أحسهم طيبين أكثر حنونين أكثر .

- السّرُ  الخامِسْ : أكرررررررره التأخييير ! ما أحب أتأخر على مواعيدي أحب أوقاتي تكون كلها مضبوطة اتنرررررفز حيل اذا تأخرت و اتضايق حييييل اذا احد تأخر على موعده معاي ، حيل مهمة هالنقطة بالنسبة لي .. على قولة سرسر : احم احم وارثة هالشي من أمي .

- السّرُ السادِسْ : أحس إنّي دقيقة بشغلي أحب أتقن الشي اللي أسويه ما أحبه يكون خرابيط و أي شي .. جودة الشغل أهم عندي من إنجاز الشغل ، بشرط إن يكون عندي رغبة بالشي مو مغصوبة عليه ، بشكل عام : أحس إني أهتم بالتفاصيل حيل ، تهمني الأشياء البسيطة ، أنتبه للأمور الصغيرة اللي يعتبرونها غالبية الناس تافهة أما بالنسبة للأشياء اللي يدققون عليها غالبية الناس .. في العادة ما أنتبه لها و لا أركز فيها .. أحس إني أشوف الصورة العامة و أكتفي فيها .. مادري شلووون أشررررح >< ، أعتقد إني أهتم بتفاصيل الأشياء اللي تخصني و أدقق فيها حيل ، أما الأشياء اللي مالها علاقة فيني أكتفي بالصورة العامة و ما أنتبه للتفاصيل .

:

أحوّل هذا الواجب على :

سرسور

قلب المحبة

 مطر

زمردة

تريآق

ريم

:

بانتظار خوضِ بحار أسراركم يا أصدقاء =)